Amcanion Cynaladwyedd 2023

Mae’n bleser gan y Gwasanaethau Croeso fod yn rhan o ymrwymiad parhaus Prifysgol Aberystwyth i gynaladwyedd yn ei holl weithrediadau. Cyflwynwn y Cynllun Gweithredu Cynaladwyedd hwn fel dogfen waith. Fel gyda phob cynllun o’r fath, yr unig ffordd y gellir ei wireddu yw drwy ymgysylltiad ein staff, cwsmeriaid a chyflenwyr.

Rydym ni’n croesawu mewnbwn i’r cynllun wrth i ni ymdrechu at sicrhau arferion cynaliadwy gwell a bod yn garbon niwtral.

Olew Palmwydd

Amcan cyffredinol: Yn y pen draw rydym ni’n dymuno tynnu pob cynnyrch sy’n cynnwys olew palmwydd anghynaladwy o’r Gwasanaethau Croeso. Rydym yn bwriadu gwneud hyn drwy ymgysylltu â’r cyflenwyr yn ogystal â darparu gwybodaeth i gwsmeriaid ynghylch pa gynhyrchion sy’n cynnwys olew palmwydd. Rydym ni’n cefnogi cynhyrchu olew palmwydd achrededig cynaliadwy (RSPO) mewn modd cynaliadwy sy’n helpu i atal datgoedwigo; cynorthwyo tâl teg i gymunedau a gweithwyr; yn ogystal â diogelu bywyd gwyllt a’r amgylchedd.

Camau cyflawni:

Gweithredu	Ble i’w roi ar waith	Amcan y camau gweithredu	Dyddiad targed ar gyfer lansio
Marcio cynhyrchion sy’n cynnwys olew palmwydd gyda’r system labelu ganlynol: Gwyrdd (dim); Melyn (olew palmwydd RSPO); Coch (heb ei achredu)	Yr holl allfeydd	Rydym ni am roi’r wybodaeth berthnasol i gwsmeriaid er mwyn iddynt allu gwneud penderfyniadau i brynu’r cynnyrch hwnnw neu beidio.	Siop Undeb y Myfyrwyr eisoes yn defnyddio’r system hon. Yr holl allfeydd eraill - Ebrill 2023
Dyrannu adnoddau i ganfod cynnwys olew palmwydd cynhyrchion a brynir drwy’r llwyfan pwrcasu a thrafod gyda chyflenwyr	Tîm gweinyddol Penbryn	Sicrhau bod gwybodaeth yn cael ei chasglu a’i dilysu ar gynhyrchion. Cysylltu â chyflenwyr i’w hysbysu am gynhyrchion nad ydynt yn cydymffurfio ac felly’n debygol o gael eu tynnu o’r rhestr.	Mai 2023
Adolygu’r holl gynhyrchion sy’n cynnwys olew palmwydd nad yw’n RSPO, gyda dewisiadau amgen os yn bosibl.	Tîm gweinyddol Penbryn	Creu gwybodaeth ar gynhyrchion i’w hamnewid am gynhyrchion amgen	Awst 2023
Adolygu’r Polisi Olew Palmwydd	Yr holl allfeydd	Sicrhau bod y polisi’n gweithio ac angen adolygu pellach	Medi 2023

https://rspo.org/why-sustainable-palm-oil/?gclid=Cj0KCQiA8t2eBhDeARIsAAVEga3pVSVu_S_PnMwkwaA0wwkK7gCN7xOypNNi3pShLmi1VWQ6w2w6t-QaAubjEALw_wcB

Lleihau Gwastraff Bwyd

Amcan cyffredinol: Osgoi unrhyw fwyd a gaiff ei brynu ond na chaiff ei fwyta er mwyn lleihau ôl troed carbon a chynyddu arferion cynaliadwy gan gwsmeriaid a staff. Caiff hyn ei wneud drwy leihau gwastraff ar blatiau (bwyd a brynir ond na chaiff ei fwyta yn yr allfeydd), lleihau faint o fwyd sydd wedi dyddio, yn ogystal â lleihau gwastraff wrth gynhyrchu bwyd. Yna caiff yr holl wastraff a gynhyrchir ei roi mewn biniau ailgylchu bwyd yn yr holl allfeydd.

Camau cyflawni.

Gweithredu	Ble i’w roi ar waith	Amcan y camau gweithredu	Dyddiad targed ar gyfer lansio
Cyflwyno gostyngiad ar gyfer pob bwyd sy’n agos at y dyddiad gwerthu gyda sticeri ‘pan fydd wedi mynd’	Yr holl allfeydd	Gwerthu bwyd sy’n agos at y dyddiad gwerthu ar bris cost neu’n is i sicrhau y caiff ei fwyta yn hytrach na’i daflu	Parhaus, ail-lansio posibl er gwybodaeth y cyhoedd
Rheoli maint cyfrannau gydag ychwanegion ar gyfer llysiau a salad	Neuadd fwyd, Blas Gogerddan	Annog cwsmeriaid i fwyta’r bwyd maen nhw’n ei brynu, drwy eu cynorthwyo i wneud penderfyniad bwriadol i’w brynu yn hytrach na’i gael am ei fod wedi’i gynnwys yn y pris	Medi 2022
Cynllunio bwydlenni i ganiatáu cynigion arbennig tymor byr am fwyd o’r gegin, fel prif saig am £4.00	Neuadd fwyd, Blas Gogerddan	Gadael i ni werthu bwyd sydd wedi’i or-gynhyrchu yn gyflym ar bris cost i fyfyrwyr.	Parhaus
Mesur y gwastraff bwyd a gynhyrchir yn ôl faint sydd mewn biniau bwyd gan wirio’n wythnosol cyn casglu. (noder na chynhwysir gwastraff bwyd sy’n mynd i finiau compost – Undeb y Myfyrwyr)	Neuadd fwyd, Pantycelyn	Monitro ein gwastraff bwyd ac felly helpu i fonitro llwyddiant yr arferion uchod	Mawrth 2023
Rheoli faint o fwyd poeth a gynhyrchir ar gyfer gwasanaeth ar y cownteri poeth tua diwedd yr amser gwasanaeth, o 15 munud cyn cau’r cownter. Er mwyn peidio amnewid seigiau sydd wedi gwerthu allan	Neuadd fwyd, Blas Gogerddan, Pantycelyn	Lleihau faint o fwyd sydd wedi’i goginio ac na ellir ei ailddefnyddio ac felly’n gorfod cael ei daflu.	Ionawr 2023 a pharhaus

https://www.lovefoodhatewaste.com/take-action-save-food/our-planet-your-food?gclid=Cj0KCQiA8t2eBhDeARIsAAVEga1lzCPC5arUHVzL9YEROuFHeu8M5hruklw7x67EyIEBegRTtGpBBPcaAjsWEALw_wcB

Lleihau defnydd o eitemau tafladwy ar y campws

Amcan cyffredinol: - Yn ein diwylliant o gydio mewn bwyd a mynd, mae galw parhaus am rywfaint o ddefnydd o gynhyrchion tafladwy. Fodd bynnag byddwn yn gyntaf yn ceisio sicrhau bod popeth tafladwy naill ai’n ailgylchadwy neu’n fioddiraddadwy. Yna byddwn yn ceisio lleihau faint o eitemau tafladwy a ddefnyddir ac annog arferion sy’n atgyfnerthu hyn. Byddwn hefyd yn ceisio sicrhau bod mwy o ddeunydd yn cael ei ailgylchu lle bo’n bosibl.

Camau cyflawni.

Gweithredu	Ble i’w roi ar waith	Amcan y camau gweithredu	Dyddiad targed ar gyfer lansio
Cyflwyno ardoll o 25c ar gwpanau untro sy'n cyd-daro â hyrwyddo'r cyfle i fyfyrwyr a staff gael cwpan cadw yn rhad ac am ddim yn ystod mis Hydref.	Yr holl allfeydd	Lleihau defnydd o gwpanau tafladwy ar draws y campws, yr eitem anoddaf ei hailgylchu.	Hydref 2023
Cynyddu’r nifer o ffynonellau dŵr ar y campws drwy osod gorsaf llenwi poteli yn Undeb y Myfyrwyr.	Adeilad Undeb y Myfyrwyr	Helpu i atal gwerthiant poteli dŵr plastig	Medi 2023
Cyrchu potel ddŵr amlddefnydd cost effeithiol i ganiatáu ar gyfer gwahardd pob dŵr plastig ar y Campws	I’w gadarnhau	Ceisio dod o hyd i botel amlddefnydd sy’n rhatach na chost potel ddŵr defnydd untro	Parhaus - uchelgais
Yr holl fwyd a diod ar y safle’n cael eu gweini ar lestri tsieni a gwydr y gellir eu hailddefnyddio	Neuadd fwyd, Pantycelyn, IBERbach, Bar Undeb y Myfyrwyr	Sicrhau y defnyddir nwyddau tafladwy ar gyfer prydau parod i fynd yn unig.	Mehefin 2023
Cynyddu’r nifer o finiau ailgylchu ac arwyddion yn yr holl allfeydd	Yr holl allfeydd	Cynyddu faint mae ein cwsmeriaid yn ei ailgylchu	Mehefin 2023
Gwaredu pecynnau saws a chynfennau untro a defnyddio poteli saws yn lle	Yr holl allfeydd	Gwaredu’r pecynnau defnydd untro gydag arwyddion esboniadol	Medi 2023
Ail-lansio Diwrnod Di-blastig	Yr holl allfeydd	Cynyddu’r drafodaeth wrth leihau plastigau defnydd untro.	Ebrill 2023
Monitro ffrydiau tirlenwi ac ailgylchu a chofnodi	Yr holl allfeydd	Ein galluogi i fonitro lleihad mewn sbwriel tirlenwi	Medi 2023
Gwneud pecynnu plastig yn sgôr negatif ar dendrau cyflenwyr Lletygarwch	Pwrcasu canolog	Annog deunyddiau ailgylchadwy mewn pecynnu ac wrth ddanfon nwyddau.	Parhaus
Newid yr holl gwpanau tafladwy a ddefnyddir mewn cynadleddau drwy brynu dewisiadau amgen y gellir eu hailddefnyddio a sefydlu strwythur o ddosbarthu a chasglu	Tîm cynadledda	Atal y defnydd o gwpanau tafladwy yn llwyr mewn cynadleddau.	Medi 2023
Poteli dŵr y gellir eu hail-lenwi yn unig yn Medrus	Tîm cynadledda	Lleihau defnydd diangen o blastig	Awst

https://wrapcymru.org.uk/

Y Daith at Garbon Sero Net

Amcan cyffredinol: - Mae Aberystwyth wedi ymrwymo i gyflawni targed di-garbon erbyn y flwyddyn 2030-31. Bydd y Gwasanaethau Croeso yn monitro ac yn adolygu ei arferion i leihau ein hallyriadau o fewn cwmpas 1, 2 a 3 ein gweithrediadau.

Cwmpas 1 yw ffynonellau allyriadau uniongyrchol yn deillio o beiriannau, cyfleusterau a cherbydau’n eiddo i’r cwmni. Cwmpas 2 yw ffynonellau allyriadau anuniongyrchol yn gysylltiedig â chynhyrchu trydan, gwres, stêm a/neu oeri. Cwmpas 3 yw allyriadau anuniongyrchol yn deillio o bob gweithgarwch a ffynhonnell arall nad ydynt o fewn Cwmpas 2; gan gynnwys teithio busnes, cymudo, gwastraff a danfoniadau trydydd parti.

Camau cyflawni.

Gweithredu	Ble i’w roi ar waith	Amcan y camau gweithredu	Dyddiad targed ar gyfer lansio
Ceisio nodi ffynhonnell carbon ar gyfer eitemau’r fwydlen drwy’r porth pwrcasu	Pwrcasu canolog	Gallu edrych am eitemau amgen i sicrhau ôl troed carbon is.	Rhagfyr 2023
Adeiladu ôl troed carbon pob bwydlen drwy feddalwedd procure wizard a chofnodi	Pwrcasu canolog	Gallu dadansoddi a chyflwyno newidiadau bwydlen i leihau carbon yng nghwmpas 1 a 3	Rhagfyr 2023
Hoffem osod arwyddion carbon ar fwydlenni i helpu i lywio ymddygiad y cyhoedd	Yr holl allfeydd	Galluogi ein cwsmeriaid i wneud dewisiadau pwrcasu gwybodus.	Uchelgais
Ei gwneud yn ofynnol i bob cyflenwr ymrwymo i fod yn ddi-garbon yn eu gweithrediadau drwy’r broses dendro	Pwrcasu canolog	Helpu i leihau carbon o gwmpas 3	Parhaus
Lleihau defnydd o garbon mewn oergelloedd gyda socedi plwg Bluetooth i alluogi diffodd oergelloedd heb fwydydd hanfodol dros nos	Yr holl allfeydd	Lleihau defnydd diangen o garbon a thrydan.	Awst 2023
Gwirio sêl oergelloedd i leihau defnydd ynni ac effeithlonrwydd	Yr holl allfeydd	Lleihau defnydd o ynni	Awst 2023 ac yn flynyddol
Defnyddio cerbydau trydan yn unig yn yr adran	Gwasanaethau Croeso	2 fan trydan newydd wedi’u pwrcasu	Parhaus
Gwaredu pob offer Nwy ar ddiwedd ei oes	Yr holl allfeydd	Lleihau’r carbon a gynhyrchir wrth gynhyrchu bwyd	Parhaus
Adolygu offer cegin a’i ddefnydd drwy fonitro perfformiad ynni, arwain adolygiad o ddulliau cynhyrchu a chylch oes offer yn amodol ar gyfyngiadau cyflenwad pŵer	Yr holl allfeydd	Lleihau defnydd o ynni	Tachwedd
Galluogi darllen y defnydd o bŵer ym mhob allfa yn unigol	Yr holl allfeydd	Galluogi staff i fonitro a gweld y defnydd o ynni a sicrhau arbedion	Tachwedd

https://www.gov.wales/net-zero-wales

Arferion a phwrcasu moesegol

Amcan cyffredinol: - Mae’r Gwasanaethau Croeso yn mesur perfformiad yn defnyddio’r dull triphlyg pobl, elw a phlaned. Rydym yn ceisio sicrhau ein bod yn dilyn y canllawiau pwrcasu moesegol drwy geisio sicrhau ein bod yn dilyn 17 Nod Datblygu Cynaliadwy’r Cenhedloedd Unedig.

Drwy ofyn am ymddygiad moesegol a chynaliadwy gan ein cyflenwyr ein gobaith yw y gallwn annog a dathlu ymddygiad sydd o fudd i bawb.

Camau cyflawni.

Gweithredu	Ble i’w roi ar waith	Amcan y camau gweithredu	Dyddiad targed ar gyfer lansio
Ei gwneud yn ofynnol i’r holl gyflenwyr ymrwymo i dalu’r cyflog byw	Pwrcasu canolog	Hyrwyddo cyflog teg i’r holl weithwyr ac isgontractwyr	Parhaus
Sicrhau bod yr holl gwmnïau sy’n cyflenwi’r Gwasanaethau Croeso wedi ymrwymo i gydymffurfio â 17 Nod Datblygu Cynaliadwy’r CU	Pwrcasu canolog	Hyrwyddo arfer da ymhlith ein cyflenwyr	Parhaus
Gosod polisi pwrcasu o brynu’n lleol, yng Nghymru ac yna ym Mhrydain lle bo’n bosibl o fewn gweithdrefnau ariannol y Brifysgol	Pwrcasu canolog	Ein galluogi i brynu cynnyrch mor lleol â phosibl	Parhaus
Gofyn i’n prif gyflenwyr gyflenwi meini prawf mesur blynyddol ar gyfer eu harferion cynaliadwy i sicrhau gwelliant parhaus	Pwrcasu canolog	Hyrwyddo gwelliant parhaus gan ein cyflenwyr ar gyfer eu datblygiad cynaliadwy a Di-garbon	Adolygiad blynyddol yn Awst i bob cyflenwr
Sicrhau bod yr holl gyflenwyr wedi ymrwymo i gydymffurfio â Deddf Caethwasiaeth Fodern 2015 fel rhagofyniad ar gyfer ymdrin â’r Gwasanaethau Croeso	Pwrcasu canolog	Drwy holiadur blynyddol i’r holl gyflenwyr i sicrhau cydymffurfiaeth	Parhaus
Gweithio at fabwysiadu ‘Bwydlenni dros Newid’ ym mhob pwrcasiad, cynhyrchu a gwasanaeth bwyd	Yr holl allfeydd	I’w ddefnyddio fel canllaw i’n staff cynhyrchu bwyd ym mhob maes i gynorthwyo i wella ein cynaladwyedd	Dechrau’r broses erbyn Mehefin 23

https://www.tuco.ac.uk/procurement/sustainability/menus-of-change